തിരുവനന്തപുരം: കരിപ്പൂര്‍ സ്വര്‍ണക്കടത്ത് കേസില്‍ വസ്തുതകള്‍ പുറത്തുവരണമെന്ന് സി.പി.ഐ മുഖപത്രം ജനയുഗം. അറസ്റ്റിലായവര്‍ക്ക് രാഷ്ട്രീയമോ ധാര്‍മ്മകതയ്ക്ക് യോജിക്കാത്തതോ ആയ ബന്ധങ്ങള്‍ ഉണ്ടെങ്കല്‍ അവ പുറത്തുവരണമെന്ന് ജനയുഗം പറയുന്നു.
നിലവിലെ വിവാദങ്ങള്‍ വന്‍കിട അധോലോക മാഫിയാ ശക്തികളുടെ വേരറുക്കാന്‍ സാധിക്കുന്ന നടപടികളിലേക്ക് എത്തിക്കില്ല. തിരുവനന്തപുരം സ്വര്‍ണക്കടത്തു കേസിലും ഇതാണ് സംഭവിച്ചത്. രാഷ്ട്രീയ നേട്ടവും എതിരാളികള്‍ക്കെതിരായ അപഹാസ അവസരവും പ്രതിചേര്‍ക്കപ്പെട്ടവരുടെ ഉന്നത ബന്ധങ്ങളും മാത്രം ചര്‍ച്ച ചെയ്യപ്പെട്ടതോടെ യഥാര്‍ത്ഥ കുറ്റവാളികള്‍ രക്ഷപ്പെട്ടു.
സ്വര്‍ണക്കള്ളക്കടത്ത് നിര്‍ബാധം തുടരുകയും ചെയ്തു. പുതിയ സംഭവത്തിലും അത്തരമൊരു പരിണതിയല്ലാതെ ഇപ്പോഴത്തെ സാഹചര്യത്തില്‍ പ്രതീക്ഷിക്കാനില്ലെന്നും ജനയുഗം മുഖപ്രസംഗത്തില്‍ ആരോപിക്കുന്നു.
