മന്‍സൂര്‍ വധക്കേസ് പ്രതിയുടെ വാഹനങ്ങള്‍ കത്തിച്ച നിലയില്‍
കണ്ണൂര്‍: പാനൂര്‍ പുല്ലൂക്കരയിലെ മുസ്ലിം ലീഗ് പ്രവര്‍ത്തകന്‍ മന്‍സൂര്‍ വധക്കേസിലെ പത്താം പ്രതി പി.പി. ജാബിറിന്റെ വാഹനങ്ങള്‍ കത്തിനശിച്ച നിലയില്‍. വീടിന് പിന്നിലെ ഷെഡില്‍ നിര്‍ത്തിയിട്ടിരുന്ന ഒരു കാറും രണ്ട് ബൈക്കുകളും പൂര്‍ണമായും കത്തിനശിച്ചു. മുക്കില്‍ പീടികയില്‍ ചൊവ്വാഴ്ച പുലര്‍ച്ചെ രണ്ടോടെയായിരുന്നു സംഭവം. ചൊക്ലി പോലീസും ഫയര്‍ സര്‍വീസും ചേര്‍ന്നാണ് തീയണച്ചത്. സംഭവത്തിനു പിന്നില്‍ ലീഗ് പ്രവര്‍ത്തകരാണെന്നാണ് സിപിഎം ആരോപിക്കുന്നത്. ജാബിറിനെ പിടികൂടാത്തതില്‍ ലീഗ് പ്രതിഷേധിച്ചിരുന്നു. സിപിഎം പെരിങ്ങളം ലോക്കല്‍ കമ്മിറ്റി അംഗമാണ് ജാബിര്‍.
Continue Reading