കോട്ടയം: യുഡിഎഫ് പ്രവേശനം അടഞ്ഞ അധ്യായമെന്ന് പി.സി. ജോർജ് എംഎൽഎ. യുഡിഎഫിലേക്ക് പോകാൻ ഇനി താൻ ഇല്ല . യുഡിഎഫ് നേതാക്കൾ വഞ്ചകൻമാരാണ്. ഉമ്മൻ ചാണ്ടിയുടെ പാര കാരണമാണ് യുഡിഎഫിൽ പ്രവേശനം കിട്ടാതിരുന്നതെന്നും ജോർജ് ഒരു സ്വകാര്യ വാർത്താ ചാനലിനോട് പറഞ്ഞു.
ചെന്നിത്തല മുഖ്യമന്ത്രിയാകുമോയെന്ന് ഉമ്മൻ ചാണ്ടിക്ക് ഭയമാണ്. ഉമ്മൻ ചാണ്ടിക്കെതിരേ കൂടുതൽ വെളിപ്പെടുത്തലുകൾ ഉടൻ ഉണ്ടാകുമെന്നും ജോർജ് വ്യക്തമാക്കി. നിയമസഭാ തെരഞ്ഞെടുപ്പുമായി ബന്ധപ്പെട്ട് എൻഡിഎ‍യുമായി ചർച്ച നടത്തുകയാണെന്നും പി.സി. ജോർജ് അറിയിച്ചു.
