തിരുവനന്തപുരം: കൊവിഡ് മരണങ്ങള്‍ കണക്കാക്കുന്ന മാനദണ്ഡത്തില്‍ മാറ്റം വന്നേക്കുമെന്ന സൂചന നല്‍കി ആരോഗ്യമന്ത്രി വീണാ ജോര്‍ജ്. പരമാവധി ജനങ്ങള്‍ക്ക് സഹായം നല്‍കുക തന്നെയാണ് സര്‍ക്കാര്‍ ലക്ഷ്യമെന്ന് മന്ത്രി പറഞ്ഞു.
നിലവില്‍ കൊവിഡ് മരണങ്ങള്‍ കണക്കാക്കുന്നത് ഐസിഎംആര്‍, ലോകാരോഗ്യസംഘടന എന്നിവരുടെ മാനദണ്ഡങ്ങള്‍ അനുസരിച്ചാണ്. അതില്‍ എന്തെങ്കിലും പോരായ്മകള്‍ ഉണ്ടോയെന്ന് പരിശോധിക്കുന്നതാണ്. കേന്ദ്രം മാനദണ്ഡം പുതുക്കിയാല്‍ അത് പാലിക്കും.
നേരത്തെ ഉണ്ടായ മരണങ്ങളും പരിശോധിക്കാന്‍ സര്‍ക്കാര്‍ തയാറാണെന്നും മന്ത്രി കൂട്ടിച്ചേര്‍ത്തു. മരണസംഖ്യയിലെ വര്‍ധന മുന്‍വര്‍ഷത്തേതുമായി താരതമ്യപ്പെടുത്തി പരിശോധിക്കുമെന്നും അവര്‍ പറഞ്ഞു.
