കണ്ണൂർ: കണ്ണൂരിൽ ഗര്‍ഭിണിയായ യുവതിയുമായി ആശുപത്രിയിലേക്ക് പോയ വാഹനത്തിന് നേരെ ബിജെപി പ്രവര്‍ത്തകര്‍ ആക്രമിച്ചതായി പരാതി . പയ്യന്നൂര്‍ എടാട്ടാണ് സംഭവം നടന്നത് .ഗർഭിണിയായ ചെറുതാഴം സ്വദേശിനി നാസിലയെയാണ് കാറില്‍ ആശുപത്രിയില്‍ കൊണ്ടുപോയത്.
എന്നാൽ എടാട്ട് വച്ച് ബിജെപി കല്യാശേരി മണ്ഡലം റോഡ് ഷോയില്‍ പങ്കെടുത്ത ബിജെപി പ്രവര്‍ത്തകര്‍ ഇവര്‍ സഞ്ചരിച്ച വാഹനം തടയുകയും ആക്രമിക്കുകയുമായിരുന്നു. സംഭവത്തിൽ ഇരുപതോളം പേർ ബൈക്കിലെത്തിയിരുന്നു .ഇവരാണ് വാഹനം തകര്‍ത്തത്.
ഗുരുതരമായി പരിക്കേറ്റ യുവതിയെ ആശുപത്രിയില്‍ പ്രവേശിപ്പിച്ചു. സംഭവത്തില്‍ പയ്യന്നൂര്‍ പോലീസ് കേസെടുത്തിട്ടുണ്ട് . അതേസമയം, ആക്രമണം നടത്തിയിട്ടില്ലെന്നാണ് പ്രാദേശിക ബിജെപി നേതാക്കള്‍ നല്‍കുന്ന വിശദീകരണം.
