ന്യൂഡല്‍ഹി: രാജ്യത്ത് പ്രതിദിന കൊവിഡ് രോഗികളുടെ എണ്ണം രണ്ടരലക്ഷം കടന്നു. കഴിഞ്ഞ 24 മണിക്കൂറിനിടെ 2,61,500 പേര്‍ക്ക് രോഗം സ്ഥിരീകരിച്ചു. 1,501 പേര്‍ മരിച്ചു. ഇതോടെ രാജ്യത്തെ ആകെ കോവിഡ് രോഗികളുടെ എണ്ണം 1,47,88,209 ആയി.
മരണസംഖ്യ 1,77,150 ആയി ഉയര്‍ന്നു. രാജ്യത്തെ വിവിധ സംസ്ഥാനങ്ങളിലായി 18,01,316 പേര്‍ ചികിത്സയില്‍ കഴിയുന്നുണ്ട്. കഴിഞ്ഞ 24 മണിക്കൂറിനിടെ 1,38,423 പേര്‍ക്കാണ് രോഗമുക്തി. രാജ്യത്ത് ഇതുവരെയുള്ള രോഗമുക്തി 1,28,09,643 പേര്‍ക്കാണ്. രാജ്യത്ത് ഇതുവരെ 12,26,22,590 പേര്‍ക്ക് പ്രതിരോധ കുത്തിവയ്പ്പ് നല്‍കി.
