കോട്ടയം:പിറവത്തെ എല്‍ഡിഎഫ് സ്ഥാനാര്‍ത്ഥി സിന്ധു മോള്‍ ജേക്കബ് സിപിഐഎം പുറത്താക്കി.അംഗത്വം രാജി വെച്ച് കേരള കോണ്‍ഗ്രസില്‍ ചേരുമെന്ന് മാധ്യമങ്ങളോട് പ്രതികരിച്ചതിന് തൊട്ടുപിന്നാലെയാണ് പാർട്ടിയിൽ നിന്ന് പുറത്താക്കിയത്.*പിറവത്തെ കേരള കോൺഗ്രസ്സ് സ്ഥാനാർത്ഥിയെ സി പി എം പുറത്താക്കി.സി പി എം ഉഴവൂർ നോർത്ത് ബ്രാഞ്ചംഗമായിരുന്നു സിന്ധു മോൾ ജേക്കബ്. നിലവില്‍ ഉഴവൂര്‍ ബ്ലോക്ക് പഞ്ചായത്ത് അംഗം കൂടിയാണ് സിന്ധു.
‘പിറവം പേയ്‌മെന്റ് സീറ്റല്ല. സീറ്റ് സംബന്ധിച്ച പ്രശ്‌നങ്ങള്‍ പാര്‍ട്ടി പരിഹരിക്കും. വളരെ അപ്രതീക്ഷിതമാണ് പിറവത്തെ സ്ഥാനാര്‍ത്ഥിത്വം.’ സിന്ധു പ്രതികരിച്ചു. സിന്ധുവിനെ സ്ഥാനാര്‍ത്ഥിയായി പ്രഖ്യാപിച്ചതില്‍ പ്രതിഷേധിച്ച് പിറവം നഗരസഭാ കൗണ്‍സിലര്‍ ജില്‍സ് പെരിയപുറം രാജിവെച്ചിരുന്നു.
