തിരുവനന്തപുരം: ഫേസ്ബുക്ക് പേജായ പോരാളി ഷാജിക്കെതിരെ പരാതിയുമായി മുതിര്‍ന്ന കോണ്‍ഗ്രസ് നേതാവ് വി.എം. സുധീരന്‍. ശബരിമല വിഷയത്തില്‍ തന്‍റെ ചിത്രം വച്ച് സാമൂഹ്യ മാധ്യമത്തിലൂടെ അപകീര്‍ത്തികരമായ പോസ്റ്ററുകള്‍ പ്രചരിപ്പിക്കുന്നു എന്നാണു പരാതി.ഇക്കാര്യം ചൂണ്ടിക്കാട്ടി ഡിജിപിക്കും ചീഫ് ഇലക്ടറല്‍ ഓഫീസര്‍ക്കും സുധീരൻ പരാതി നല്‍കി.
പോരാളി ഷാജി, എടതിരിഞ്ഞി വായനശാല ചര്‍ച്ചാവേദി എന്നീ പേജുകളിലൂടെ സുധീരന്‍റെ പ്രസ്താവനകൾ എന്ന പേരിലാണ് അപകീര്‍ത്തികരമായ പോസ്റ്ററുകള്‍ പ്രചരിക്കുന്നതെന്ന് പരാതിയില്‍ സുധീരന്‍ വ്യക്തമാക്കി.
