ലക്‌നൗ: മലയാളി നഴ്‌സ് ഉത്തര്‍പ്രദേശില്‍ കൊവിഡ് ബാധിച്ച് മരിച്ചു. കൊല്ലം ജില്ലയിലെ നെട്ടയം അമ്പലംകുന്നു സ്വദേശിനി ആര്‍. രഞ്ചു ( 29) ആണ് മരിച്ചത്. ഗ്രേറ്റര്‍ നോയിഡയിലെ ആശുപത്രിയിലെ നഴ്‌സായിരുന്നു.
രഞ്ചുവിന് ഏപ്രില്‍ 17നാണ് കൊവിഡ് സഥിരീകരിച്ചത്. രോഗം ബാധിച്ച് ഗുരുതരാവസ്ഥയിലായിരുന്നിട്ടും നല്ല ചികിത്സ ലഭിച്ചില്ലെന്ന് മരിക്കുന്നതിന് രഞ്ചു സഹോദരി രജിതക്ക് അയച്ച സന്ദേശത്തില്‍ പറഞ്ഞിരുന്നു.
ആശുപത്രിയില്‍ ജോലിക്കുകയറി രണ്ടാഴ്ച കഴിഞ്ഞപ്പോള്‍ രഞ്ചുവിന് രോഗം പിടിപെടുകയായിരുന്നു. കോവിഡ് നെഗറ്റീവായെങ്കിലും ആരോഗ്യനില വഷളാകുകയായിരുന്നുവെന്നാണ് വിവരം. രഞ്ചുവിന്റെ മൃതദേഹം നാട്ടിലെത്തിക്കാന്‍ സര്‍ക്കാര്‍ ഇടപെടണമെന്നാണ് കുടുംബത്തിന്റെ ആവശ്യം.
