കൊച്ചി: രണ്ടു ദിവസത്തെ വര്‍ധനവിനു ശേഷം സംസ്ഥാനത്ത് ഇന്നു സ്വര്‍ണ വില കുറഞ്ഞു. ഗ്രാമിന് 35 രൂപയും പവന് 280 രൂപയുമാണ് കുറഞ്ഞത്. ഇതോടെ ഗ്രാമിന് 4,165 രൂപയും പവന് 33,320 രൂപയുമായി.
തിങ്കളാഴ്ചയും ശനിയാഴ്ചയും വിലയില്‍ വര്‍ധനവ് രേഖപ്പെടുത്തിയ ശേഷമാണ് ഇന്നു വില കുറഞ്ഞിരിക്കുന്നത്. തിങ്കളാഴ്ച പവന് 240 രൂപ കൂടിയിരുന്നു. ഏതാനും ദിവസങ്ങളായി സ്വര്‍ണ വില താഴേക്കു പതിച്ചുകൊണ്ടിരിക്കുകയാണ്. പത്തു മാസത്തെ താഴ്ന്ന നിരക്കിലേക്ക് കഴിഞ്ഞ അഞ്ചിനു വില എത്തിയിരുന്നു.
