തളിപ്പറമ്ബ്: നാടന്‍ തോക്കും തിരകളുമായി രണ്ട് യുവാക്കൾ അറസ്റ്റിൽ. കുറുമാത്തൂര്‍ പഞ്ചായത്തിലെ ചവനപ്പുഴ സ്വദേശികളായ ഇരിങ്ങല്‍ ഹൗസില്‍ അനീഷ് എന്ന അനില്‍ (39), എസ്.വി.പി നിവാസില്‍ എം. വിജയന്‍(44) എന്നിവരെയാണ് തളിപ്പറമ്ബ് എസ്‌ഐ പി.എം. സുനില്‍കുമാറിന്റെ നേതൃത്വത്തില്‍ പിടികൂടിയത്.
ഇന്നലെ പുലര്‍ച്ചെ പന്ത്രണ്ടരയോടെ നൈറ്റ് പട്രോളിംഗ് നടത്തുകയായിരുന്ന പോലീസ് സംഘമാണ് പ്രതികളെ പിടികൂടിയത്.പരിശോധനയില്‍ നാടന്‍ തോക്കും നാല് തിരകളും ചാക്കുകെട്ടാന്‍ ഉപയോഗിക്കുന്ന കയറുകളും ടോര്‍ച്ചും കണ്ടെടുത്തു. ചോദ്യം ചെയ്തപ്പോള്‍ കാട്ടുപന്നിയെ വേട്ടയാടാന്‍ പോയതാണെന്ന് ഇവര്‍ സമ്മതിച്ചു. തുടർന്ന് പ്രതികളെ തളിപ്പറമ്ബ് മജിസ്ട്രേറ്റ് കോടതിയില്‍ ഹാജരാക്കി. പ്രതികളെ റിമാന്‍ഡ് ചെയ്തു.
