ഹരിപ്പാട്: വീടിന്റെ മുകളില്‍ നിന്ന് കാല്‍ വഴുതി വീണ് മത്സ്യതൊഴിലാളി മരിച്ചു. മുതുകുളത്ത് പെരുമ്പള്ളി പുത്തന്‍പറമ്പില്‍ പരേതനായ പീതാംബരന്റെ മകന്‍ സുനില്‍ (43) ആണ് മരിച്ചത്.
പെയിന്റിംഗ് ജോലി ചെയ്തു കൊണ്ടിരുന്ന സുഹൃത്തിനെ കണ്ടു സംസാരിക്കാനായി മുകളിലേക്ക് കയറുന്നതിനിടെ വീടിന്റെ ഒന്നാം നിലയില്‍ നിന്നും കാല്‍ വഴുതി വീഴുകയായിരിന്നു. മുതുകുളം കരുണാമുറ്റം ക്ഷേത്രത്തിന് സമീപമുള്ള വീട്ടില്‍ ആണ് അപകടം നടന്നത്.
ഒന്നാം നിലയിലെ ഷെയ്ഡില്‍ നിന്ന് കാല്‍ വഴുതി താഴേക്ക് വീഴുകയായിരുന്നു. സംഭവത്തില്‍ ഉടന്‍ തന്നെ സുനിലിനെ വണ്ടാനം മെഡിക്കല്‍ കോളജ് ആശുപത്രിയിലെത്തിച്ചെങ്കിലുംജീവന്‍ രക്ഷിക്കാനായില്ല.
