തിരുവനന്തപുരം: കോണ്‍ഗ്രസ് സ്ഥാനാര്‍ത്ഥി പട്ടികയില്‍ കൂടുതല്‍ സ്ത്രീകള്‍ വേണമെന്ന ഹൈക്കമാൻഡ് നിർദ്ദേശത്തിന് പിന്നാലെ വട്ടിയൂര്‍ക്കാവില്‍ വനിതാ സ്ഥാനാര്‍ത്ഥി മത്സരിച്ചേക്കുമെന്ന് സൂചന.ഇനി പ്രഖ്യാപിക്കാനിരിക്കുന്ന സീറ്റുകളിലേക്ക് കോണ്‍ഗ്രസ് സ്ത്രീകളെ പരിഗണിക്കണമെന്നാണ് ഹൈക്കമാൻഡ് നിർദ്ദേശം നൽകിയിരിക്കുന്നത്.
ഇതിന്റെ അടിസ്ഥാനത്തിൽ വട്ടിയൂര്‍ക്കാവിലേക്ക് ജ്യോതി വിജയകുമാറിന്റെ പേരാണ് ഇപ്പോള്‍ പരിഗണിക്കുന്നത്. ജ്യോതിയുടെ പൊതുപ്രവര്‍ത്തന മികവും രാഹുല്‍ ഗാന്ധിയുടെ പരിഭാഷക എന്ന നിലയിലുള്ള ശ്രദ്ധയും വോട്ടായി മാറുമെന്നും കോണ്‍ഗ്രസ് പ്രതീക്ഷിക്കുന്നു.
