തിരുവനന്തപുരം: പട്ടാപ്പകല്‍ ആയുധവുമായി എത്തി, ഹോട്ടല്‍ റിസപ്ഷനിസ്റ്റിനെ വെട്ടിക്കൊന്നു. തമ്പാനൂര്‍ ഓവര്‍ ബ്രിഡ്ജിനു സമീപുമുള്ള ഹോട്ടല്‍ സിറ്റി ടവറിനെ റിസപ്ഷനിസ്റ്റ്, നാഗര്‍കോവില്‍ സ്വദേശി അയ്യപ്പനെയാണ് മാരകായുധവുമായി എത്തിയ അക്രമി വെട്ടികൊന്നത്. നെടുമങ്ങാട് കല്ലിയോട് സ്വദേശി അജീഷിനെ സി.സി.ടി.വി ദൃശ്യങ്ങളുടെ അടിസ്ഥാനത്തില്‍ നെടുമങ്ങാടു നിന്നും പോലീസ് കസ്റ്റഡിയിലെടുത്തു.
വെട്ടുകത്തിയുമായി കടന്നുവന്നു കഴുത്ത് പിടിച്ചുവച്ച് തുടര്‍ച്ചയായി വെട്ടുകയായിരുന്നു. മരണം ഉറപ്പാക്കിയശേഷം ഇയാള്‍ ബൈക്കില്‍ കയറി പോകുന്നതും സി.സി.ടി.വി ക്യാമറയില്‍ വ്യക്തമാണ്. അയ്യപ്പനു പുറമേ റൂം ബോയിയായ മറ്റൊരു ജീവനക്കാരന്‍ മാത്രമേ ആക്രമണം നടക്കുമ്പോള്‍ ഹോട്ടലില്‍ ഉണ്ടായിരുന്നുള്ളൂ. മാലിന്യങ്ങള്‍ കളഞ്ഞ് തിരികെയെത്തിയ റൂം ബോയ് കണ്ടത് രക്തത്തില്‍ കുളിച്ചു കിടക്കുന്ന അയ്യപ്പനെയാണ്.
